Экскурсія ў музей Максіма Багдановіча

27 лістапада 2024 года навучэнцы 70Э групы з выкладчыкам беларускай мовы і літаратуры Свірыдавай А.В. наведалі музей Максіма Багдановіча ў Мінску. Падчас музейных заняткаў навучэнцы даведаліся пра жыццёвы шлях не толькі самага маладога класіка беларускай літаратуры, але і яго родных: маці, бацькі, братоў. Таксама прадставілася магчымасць больш глыбока пазнаёміцца з творчасцю Максіма Багдановіча. Навуковы супрацоўнік распавяла цікавыя факты, пра якія можна даведацца толькі ў музеі. Адзначана, што Максім Багдановіч быў вельмі настойлівым: ставячы перад сабой якую-небудзь мэту, абавязкова імкнуўся яе здзейсніць. Напрыклад, паставіўшы мэту пісаць пэўную колькасць старонак у дзень, калі не хапала радкоў, ён павялічваў памер літар. Экскурсія была пазнавальнай, цікавай, захапляльнай.